الحلقه التانيه :-
آدم: اااااه
ياسر : هارسوووح على الدم ، الدم نازل علي وشك كتير 😱😨
الكل ملهين فى آدم وتقى لسه بتكسر الشقه 
ياسر: لازم ناخدك ع المستشفى
آدم: استني يا عم وقفوها الاول
ياسر : الدكتور قال لما تتعصب كده نسيبها تعمل اللي هى عوزاه وتكسر اللى هى عوزاه
آدم :دكتور مين الحمار ده؟ ، يا عم وقفها بالله عليك ايديها اتعورت وبتنزف دم كتير
ياسر : خليك انتا فى نفسك بس ، انا نازل اجيب العربيه من الجراج وهطلع اخدك
آدم : هديها يا طنط
ام ياسر : يابنى متخافش هتهدى لوحدها
آدم: بقالكوا عشر دقايق بتقولولى كده ولسه مهديتش وايديها عماله تنزف من الازاز اللى كسرتوا
ام ياسر : والله يابنى محدش هيعرف يعملها حاجه دلوقتى خالص الا لما تهدى ، ممكن فى عصبيتها دى تخبط اى حد فينا تموته ، واديك شايف عملت فيك ايه
فجاه تقى اغمي عليها ووقعت على الارض
ياسر دخل : اخيرااااا وقعت
ام ياسر : اه يابنى خدها معاك يعقمولها الجرح اللى في ايديها ده
ياسر : هو انا هسند مين ولا مين
آدم : ملكش دعوه بيا انا هقوم لوحدى ، شيلها هى
ياسر : ياخى ساعه ما بتتعصب بيبقي فيها قوه فرعون انا مش عارف بتجيب القوه دي منين ؟؟
ياسر شال تقى وركب العربيه هو و آدم وتقى ووداهم المستشفى.
يا عينى آدم اخد 3 غرز فى دماغه 😂😂
وتقى عقمولها الجرح وفوقوها ولما فاقت آدم شاف شخص تاني خالص شاف بنوته هاديه وبريئه وجميله غير اللى كانت بتكسر من شويه ( ميعرفش انها بعد شويه هتتحول 😂😂)
آدم : ازيك يا تقي انا اسمى........
تقي قاطعته : آدم ابن عمى
آدم : عرفتى ازاى ؟؟
تقى باستنكار : ليه هو احنا فى عصر الجاهليه لما الواحد يسافر منعرفش شكله غير لما يرجع ، امال هما اخترعوا النت ليه وبعدين انتا ليل ونهار تنزل صور ليك على الفيس بوك ومش عايزنى اعرفك 😏
آدم: الله ده انتى متبعاني بقى
تقى : لا متبعاك ولا حاجه كل الحكايه ان انتا واخويا اصدقاء ع الفيس وكل متنزل صوره اخويا يعملك كومنتات علشان كده بشوف صورك يعنى لا متبعاك ولا زفت وبعدين مين انتا اصلا علشان اتابعك 😏
آدم : اااااه ، تعرفى انك اللي شلفطيلي دماغى كده
تقى قامت وقربت منه ومسكت دماغه وقعدت تهز فيها
تقى : المره الجايه هكسرلك رقبتك كلها علشان تحرم تقف قصادى تاني سمعتني ؟!
ادم في زهول تام مين اللي شافه واللي سمعه
رجعت تقي قعدت مكانها ولا كانها عملت حاجه
آدم: انتي بتعملى كده لييه ؟!
تقى : علشان انا مجنونه ليه متعرفش انى مجنونه ولا ايه ؟؟
آدم: هو فيه حد مجنون يقول على نفسه مجنون
هنا بقى دخل ياسر
آدم:كنت فين يا عم ؟؟
ياسر : كنت بكلم دكتور الهانم بخدلها ميعاد منه، يلا بينا
تقى : مش عايزه اروح دلوقتى
ياسر : نعم امال هنروح فين ؟؟
تقى: ودينى اى حته علشان انا لو روحت دلوقتي هشلفطلك وش االاموره بتاعتك دى ماشى 😡
ياسر : حاضر ، بس اوديكى فين ؟؟
تقى : البحر
ياسر : حاضر، لو عاوز تروح انتا يا آدم ، خد العربيه وروح انتا
آدم : لا انا هروح معاكوا انا بقالى كتير مشفش البلد
...........
قعدت تقى قدام البحر آدم وياسر قعدوا بعيد عنها شويه
آدم : احكيلى بقى
ياسر : احكيلك على ايه ولا ايه
آدم : اختك مبتحبش اختى ليه ؟؟
ياسر : انتا عارف ايه السبب فى موت منار
آدم:اه انتوا قولتولنا ان عربيه خبطتها حتي قولتلنا بعدها بيومين حتى ملحقناش ندفنها
ياسر حكي ل آدم اللي حصل
آدم:يعنى تقى بتشيل نيرمين ذنب موت منار
ياسر: ايوووه ومن يومها وهى على الحاله دى ، كنا بنفضل ايام فى صويت وزعيق ومستشفيات واضراب عن الاكل ويالهووري مواويل سوده ، هى كده ارحم بكتير
آدم : وايه اللى خفف حده الحاجاا‘ت دي كلها
ياسر : الدكتور هشام
آدم: الظاهر عليه دكتور كويس
ياسر : ربنا رزقنا بيه ، انتا عارف اختى دى مكنتش تبطل ضحك، دماغها دى كانت زريه ، كانت ليها نظره فى اللى قدامها مده عمرها متخيب ، كانت تدينى نصايح مع انى انا الكبير ويطلع عندها حق
آدم: مش شايف انك بتاسى عليها
ياسر: باسى عليها بس والله قلبى بيتقطع علشانها
آدم: ربنا يشفيها يارب ، وانا كنت فين من كل ده ؟؟.
ياسر : محبناش نزعجكوا وانتوا ف الغربه
تقي راختلهم
تقى : لو سمحت يا حبيبى عايزه ارووح
ياسر: حاضر يا قلبى.
آدم كان هيتجنن من شويه كانت بتقوله هشلفطلك الاموره بتاعتك ودلوقتي لو سمحت ويا حبيبى ده كله لا والاغرب رد فعل ياسر اللى هو ولا كانها عملت حاجه
..........
وفى العربيه ياسر ميل على آدم وبصوت واطى
ياسر :متستغربش كده هي لما تقعد ع البحر بتهدى وبترجع ولا كاني حصل حاجه ، اختي دى حنينه اوووي حنيه الدنيا فيها بس اللي حصل فيها اللى تاعبها
............
وصلوا البيت وتقى دخلت اوضتها على طول
آدم راح قعد مع باباه وحكاله ع كل حاجه
تاني يوم ااصبح آدم وهو خارج من اوضه ياسر لقى باباه وعمه قاعدين في الصاله وبيتكلموا
عبد الحميد:نقرا الفاتحه بقي
شاكر: لكن يا بعد الحميد البت عندها حاله نفسيه
عبد الحميد: احنا اللي كنا السبب وادينا بنصلح غلطتنا
شاكر: لا يا عبد الحميد ده قضاء وقدر
عبد الحميد : لا ماحنا هنقرا الفاتحه يعنى هنقرا الفاتحه يلا بسم الله الرحمن الرحيم
وقراوا الفاتحه
آدم فى حاله زهول تام وكل اللي ع لسانه مبقاش الا المجنونه دى اللي اتجوزها
آدم دخل اوضه ياسر وصحاه وخلاه يبعت تقى فى البلكونه
في الاول ياسر مرضيش لكن آدم اقنعه انه هيكلمها فى حاجه مهمه
آدم : تقى يا حبيبتى بابا وعمي عايزين يجوزونا لبعض ودلوقتي قراوا الفاتحه كل اللي عليكى انك تخرجي وتقوليلهم مش عايزه اتجوز آدم مش عايزه اتجوز آدم هتقوليلهم ايه ركزى مش عايزه اتجوز آدم
ردت عليه تقى باجابه خلته كان شلل نصفى جاله فى دماغه
تقي قالت :......................

روايه تزوجت مجنونه
الحلقه التالته
تقي قالتله : اااه يعنى انت عايزني اخرج اقولهم ان انا مش عايزه اتجوزك
آدم : بالظبط كده
تقي : طب شوف بقي اللي بيدور في دماغك دلوقتي انك تخلي المجنونه هي اللي تقول لا علشان انت متقولش لا وتصغر ابوك قدام اتفاقه مع عمك ، يقوموا يخافوا من المجنونه لتكسر البيت في دماغهم فيرفضوا الجوازه صح ؟؟
آدم :هااااا
تقى :اتصدمت صح، بس احب اقولك ان المجنونه مش هتعمل كده لان انا كمان عمري ما هصغرابويا قدام عمي ، فانت الراجل اخرج قولهم مش عايزه ومتبقاش جبان
ااااه وعلي فكره انا مش بقبلك زي ما انتا مبتقبلنيش بالظبط
وجات تمشي رجعت تاني وقالتله وعلى فكره لو بعتلي ياسر تاني او كلمتني في الموضوع ده تانى هكسرلك رقبتك زي ما انا قولت
آدم واقف ومش عارف ينطق
.........
ادم راج جرى علي باباه
آدم :بابا
عبد الحميد:نعم آدم :من الاخر كده مش عايزه اتجوز المجنونه قصدى تقي
عبد ااحميد: هتتجوزها ورجلك في رقبتك
آدم : غصب يعني
عبد الحميد: اه غصب ، عارف الشركه اللي في الكويت ههدها فوق دماغك
آدم : افهم من كده ان حضرتك بتهددني ؟؟
عبد الحميد : افهم زي ما تفهم بس انتا هتتجوزها يعني هتتجوزها ، ها هتتجوزها ؟؟
آدم : ماشى يا بابا اوامرك
ادم خارج لقي ياسر واقف بره
ياسر اخده بعيد عن اوضه عبد الحميد
ياسر: ايه اللي انا سمعته ده ؟؟
آدم : ااه يا عم زي ما سمعت هتجوز اختك المجنونه غصب
ياسر: اتكلم بادب ولم لسانك احسنلك 😡😡
آدم : ومالك زعلت كده ليه هي مش مجنونه ولا ايه 😏
ياسر : لا مش مجنونه ده مرض نفسى وان كانت مجنونه وان كان لحد السبب في جنانها فهو اختك
آدم : انتا هتعمل زي اختك يا متخلف ده قضاء وقدر
ياسر: لا مانتا متعرفش بقي ، ان بعد لما منار ماتت وكانت اختي تعبانه والدكاتره كلهم قالوا ان لازم نيرمين تبعد عن اختى_ الفتره دي وانها مش لازم تشوفها علشان اعصابها ترتاح اختك كانت بتدخلها كل يوم حتي بتدخلها الاكل رغم اني مانعها من كده
آدم : يعني انتا شايف ان اختي السبب فى اللي حصل لاختك
ياسر: ايوووه
آدم : طب وافقت انك تتجوز اختي ليه ؟؟
ياسر: مبكسرش لابويا امر يا ادم مبكسرش امره فهمتني انتا طبعا
وسابه ومشى
ادم قعد مع نفسه وعرف انه وقرر انه يعتزر لياسر راحله اوضته ملاقهوش
راح المطبخ يسال نيرمين عليه لقي هناك تقى
آدم : يا ساتر يارب
تقى :............
آدم :بتعملى اكل ؟؟
تقي : لا وانا اصلا مكنتش داخله علشان اطبخ ولا اكل كنت داخله علسان ااشرب
آدم : عرفتي الجديد
تقي:.....
آدم : مش انا تواضعت ووافقت اني اتجوزك
تقي : ماشى
آدم : ايه ده مفيش اى رياكشن
تقي مسكت السكينه ووجهتها لوش آدم
تقي :بقولك ايه الزم حدودك معايا علشان مزعلكش
آدم بفزع : هتقتلينى بالسكينه ؟؟
تقي: لا طبعا
آدم : الحمد لله يعني مش هتقليني لو زعلتك
تقي : لا هقتلك بس مش بالسكينه ايدي كفايه عليك
وسابته ومشيت
ادم في سره : الظاهر كده والله اعلم انك هتشوف ايام ما يعلم بيها الا ربنا يا آدم
وهو خارج قابل ام ياسر :
آدم : لو سمحتي يا طنط
ام ياسر : ايوه يا حبيبى
آدم : هو ياسر فين ؟؟
ام ياسر : هتلاقيه فوق في الشقه بتاعته
..............
آدم طلع لقي مفتاح الشقه في باب الشقه ففتح
واول ما فتح قعد يقول الله ايه الجمال ده لا بجد مين مهندس الديكور الجامد اللي عمل كده
ياسر جه من وراه : نعم
آدم : انا جاي اقولك انا اسف
ياسر : بص يا آدم بما انك هتتجوز اختي مش عايزها تشتكي منك فى حاجه ، اختي رقيقه جدا
آدم : اوووووى ده حتي مسكت عليا السكينه تحت 😂😂😂
ياسر : ممكن هى بتعمل حركات هبله كده وبتعمل مقالب كتير بس لو عوزتها في اى حاجه هتلاقيها جمبك ، سندك ، ضهرك ، هتخاف عليك اكتر ما هتكون انتا خايف علي نفسك
آدم : ادينا هنشوف ، بس قولي مين عملك الديكور الجامد ده
ياسر : تقى ادم: تقى دي علي مده فنانه بقى
ياسر : اوعدني تخلي بالك منها
..........
تم كتب الكتاب والفرح وطبعا
وتقي جننت ادم مثلا مرضيتش تركب الا جمب ااسواق في يوم فرحها
حتي مكنتش عايزه حد ياكل من الجاتوه
......
لما راحواا الشقه وادم قالها ان هي هتنام علي الكنبه وهو هينام على السرير لان دي شقته دخلت المطبخ جابت حاجه وقعدت تدور في الدرج ووقفت جمب ادم وهو نايم
ادم شم ريحه سياط وسالها قالتله معرفش
ادم قايم بيبص آدم : الحقووووني يا نااااااااس.........

روايه تزوجت مجنونه
الحلقه الرابعه :
تقى ولعت فى ملايه السرير والملايه كانت طويله علشان كده النار ملحقتش توصل لادم
ادم راح جري شال الملايه وحطها تحت الحنفيه
آدم : انتي مجنونه 😐😡
تقى: ايوه واظن قولتلك متعصبنيش ، وانتا حر يا آدم لو مخرجتش نمت علي الكنبه وانا نمت على السرير هنا مش بعيد اولعلك في الشقه كلها مش بعيد اولع فيك شخصيا 😝😜
آدم : لا وعلي ايه انا خارج
تقى : في داهيه
آدم : نعم قولتى ايه 😡؟
تقى : لا ولا حاجه بقولك فى داهيه 😁
آدم : اااه كنت بحسب بتقوليلي مع السلامه كنت هزعل اوووي 😂😂😂، ااه تقي اي حد يجي بكره ويكلمك اعملي اللي هقولك عليه تقى: اللي هو ايه يعنى ؟؟
آدم: تحطى وشك فى الارض ، تغمضى عينك وتفتحيها فى براءه كده الحركات دى يعنى
تقى : ماشى
....... ....
جه يوم الصباحيه وتقى بتنفذ كلام آدم بالحرف وعماله تفتح وتقفل عينها بطريقه فظيعه 😂😂😂
ياسر: ايه يا عم آدم اللى موقفك هنا
آدم : انا قولتلها تعمل كده فعلا بس مش بالطريقه دي كده جايلها شلل 😐
ياسر : نعم ؟!
آدم : لا ولا حاجه ، بقولك يا ياسر بعد اسبوعين لازم اسافر الكويت همضي عقد يعني قيمه اسبوع كده وهرجع ياريت تبقوا تخلوا بالكوا من تقى
ياسر : ناخد بالنا من مين يا حبيبى ؟ رجليها علي رجلك هى مراتك ملزومه منك خدها معاك
آدم : كنت عارف انك هتقول كده
..................
الاسبوعين فاتوا وتقى و آدم وصلوا الكويت
ووصلوا الفندق
آدم : لو سمحت غرقه بسريرين
عامل الفندق:للاسف يا فندم كل الغرف اللي بهذا النظام محجوزين ، في غرف من العاديه ممكن حضراتكم تقيموا فيها
آدم : اوك ماشي
تقى : آدم انتوا مش ليكوا بيت هنا مروحناش البيت ليه ؟
آدم : علشان بيتنا في مدينه تانيه غير هذه المدينه والشغل هيبقى هنا
تقى : اه ماشى
آدم : مش هتخافى وانتى لوحدك
تقى : انا طول عمري لوحدى ايه الجديد
...............كل واحد راح غرفته.......
ادم رن على تقى مرضتش ، فضل يرن عليها كتير مبترضء
آدم قلق عليها راح غرفتها من غير ما حد يشوفه لاقاها نايمه
ادم:تقى
تقى مفزوعه: ايه فى ايه ؟؟
آدم : خفت عليكى عمال ارن عليكى مبترديش ليه ؟؟
تقى : عملاه صامت اسفه ، فيه حاجه ولا ايه ؟؟
آدم : الشخص اللي جاى امضى معاه العقد عامل حفله ولازم تروحى معايا بس بالله عليكى بلاش حركات الجنان دى بالله عليكى. تقى : حاضر
آدم : هستناكي تحت الساعه 8 ماشى
تقى : ماشي ، اخرج بره بقى
آدم : ما انا قولت برضه عماله تقولى حاضر حاضر من غير ما تتعصب اكيد فى حاجه غلط 😂😂😂
تقى : هههههههه اخرج بره بقى
................
جه الليل وادم فضل مستنيها تحت الفندق ، نزلت تقى
تقى:يلا بينا
آدم : ايه الجمال ده 😍
تقى " بتتريق 😣
آدم : لا والله انتي حلوه جدا والفستان هياكل منك حته 😍😍
تقى : اااااه وبعدين 😁، انا لبسي اتغير بس انا شخصيتى متغيرتش ولا وحشتك الفاطه 😂😂😂😂
آدم : لا خلاص يلا نمشى
وصلوا الحفله
كان صاحب الحفله واقف يسلم على المعازيم وسلم علي ست وجوزها قبل ما يسلم على ادم وتقى
سلم علي آدم الاول وجه يسلم على تقى قامت ماسكه ايد آدم وسلمت بيها على الراجل وقالتله اسفه مبسلمش
آدم اخد تقي بعيد عن دوشه الحفله
آدم :ممكن انتي مبتسلميش وده عادي لكن انا حسيت ان في حاجه تانيه ورا اللي انتي عملتيه
تقى: الست اللى سلمت عليه قلبى مسك ايديها بطريقه مش لطيفه ونظراته ليها كانت وحشه وانا مكبدتش انا فعلا مبسلمش
آدم : لا طبعا عمرى ما هصدقك الاستاذ وائل محترم جدا والكل بيحلف باخلاقه
تقي : براحتك بس قولت اللي حسيته
وائل : يا جناعه شركتنا راح تمضي علي اليوم اتفاق مع ضديقي العزيز آدم هالعقد بالنسبه لى شئ كتير كتير مهم
وراحزباصص على تقى بس آدم ماخدش ببالهدمضوا العقد والجفله انتهت ادم وتقي قابلوا وائل فى الفندق
وائل : هلا بيكم حبايبي تقومون هنا ؟؟
آدم : اه
وائل: ايه والله شرفوتنا حبيبوا راح احكيكم مصري رقم غرفتك كام ؟؟
آدم :59
وائل : زين حبيبى زين.........
............
عدي يومين
موبايل ادم بيرن الصبح بدرى
آدم : مين
تقي :تقى
آدم : فيه حاجه يا تقي ولا ايه
تقي : عايزه اخرج اقعد شويه ع البحر
آدم : اخرجي خلى بالك من نفسك
تقى :شكرا
آدم :ايه الادب اللي نزل عليها ده مره واحده. ،اما اكمل نوم بقى
ادم صحي العصر
ادم خرج من الفندق وشاف حاجه غريبه
آدم : استاذ وائل ، ايه ده ايدك مكسوره ، ايه الله كسرها.
وائل: تقصد انك ما عرفت حكايه كسر ايدى
ادم : لا
وائل : الحمد لله. آدم : نعم
وائل : قصدي ، بقصد يعني حمد لله انها جت على قد هيك
آدم : الف سلامه عليك
........
مشي ادم وقابل رافت صديقه في الشغل
رافت: ازيك يا آدم
آدم : يييه انتا صحيت
رافت: من بدري، لان كان ورايا شويه اوراق بخلصهم ، ده انا حتى شوفت مراتك كانت واقفه عند البحر مع
استاذ وائل
آدم : نعم مراتى وانتا تعرف مراتي منين ؟؟
رافت :ايه يا ادم مانتلا عرفتي عليها امبارح ولا نسيت ، وبعدين انتا مزعلها ولا اايه
آدم :ليه
رافت: اصل من تشويح ايديها وكان باين علي وشها الزعل والزهق
آدم : وائل وزهقانه وايده اتكسرت ، طب سلام هكلمك بعدين
اتصل آدم بتقى تقابله ع البحر
آدم : قوليلي ايه اللي حصل بينك وبين وائل خلاكي تكسريله ايده 😡😡😡😡😡😡😡😡

روايه تزوجت مجنونه
الحلقه الخامسه :-
تقى : ولا حاجه حاول يمسك ايدي فكسرلته ايده
آدم : ازاي يعنى
تقي سابته ولسه هتمشى راح مسك ايدها 
آدم : انا مش بكلمك ؟
تقى لفت من وراه ولوت دراعه وبدراعها التاني خنقته
تقى : ده اللي حصل معاه برضه مسك ايدى وقالي انا مش بكلمك فعملت فيه كده
آدم :اااااااااااااااااه ايدي هتنكسر سيبي ايدى اااااااااه
تقى: برضه قال كده بس مسبتهاش ، الفرق ما بينك وبينه انى هسيبك ومش هكسرلك ايدك
تقي سابته
آدم : ايه ده لا ايه الجبروت ده ، اتعلمتي الحركات دي فين
تقى : انا واخده الحزام الاسود في الكاراتيه
آدم : لا ليكى حق ليكي حق بس انا مش هسيبه.والله تقى : خلاص اخد جزاءه
آدم : لا لازم يتادب علشان يحرم يفكر يلمس مراتى
تقي: ههههههنههه مراتك 😂😂😂
آدم : ولو حتي بالاسم يا تقي ، وبعدين انتي قبل ما تكوني مراتي انتي بنت عمي يعني فى اى حال من الاحوال اللي يمسك يا يمسنى
تقى: هتعمل ايه يعنى ؟؟
آدم :هلغى العقد
تقى: كده انت هتخسر ، اقولك علي حاجه استني وهو اللي هيقولك عايزين نلغي العقد وبكده هو اللى هيدفع الشرط الجزائي وبكده انتا مش هتخسر
آدم : انتي عرفتي ان للعقد شرط جزائى ازاى
تقي:بسيطه لازم يبقى لاى عقد شرط جزائى
آدم : طب قدرى هو مطلبش انه يلغي العقد.
تقى : لا مهو انتا هتعمل حاجه بسيطه
آدم: اللي هى ؟!
تقى : انك هتروح الشركه بتاعتك وتعقد تزعق وتقول والله لاوريه هتقول كده بس وسيب الباقى على جواسيسه اللي في الشركه عندك 😉
آدم : هو انا عندي جواسيس ؟؟
تقى: شوف الف مين يتمني انه يخدم وائل بيه في حاجه زي دى.
ادم: طب ايه اللى هيجبره انه يلغى العقد
تقى : الخوف على سمعته وع سمعه شركته
آدم سمع كلام تقى فى كل حاجه وفعلا وائل اتصل بيه ولغى العقد ودفع الشرط الجزائى
آدم اتصل ب تقى
آدم : بركاتك يا شيخه تقى
تقى:علشان تعرف قيمتى بس
..................
آدم وتقى رجعوا بيتهم فى مصر
موبايل آدم بيرن
آدم : ايوه يا ياسر
ياسر : نسيت اقولك ان النهارده ميعاد جلسه تقى مع الدكتور ابقى روح وديها
آدم : لازما نروح يعنى
ياسر : ضروري لان بيديها أدوية
آدم راح لتقي :
آدم : ساعه كده والبسى علشان نروح للدكتور بتاعك وخليكى مركزه لان انتى اللى هتوصفيلى الطريق
تقى بفرح : ماشى
آدم : انتي فرحانه كده ليه محسساني انك راحه الملاهي
...................
آدم وتقى فى العياده
جت بنت صغيره قصاد آدم
البنت: عمو عمو ممكن تشيلنى
آدم : بس كده يا حبيبه عمو من عيونى وراح شايلها
اول ما شال البنت الصغيره قامت خبطاه على قفاه😂
آدم : ايه ده
البنت: مسا مسا على قفاك يا عمو 😂😂
آدم : لا كده كتير انا هعقد فى العربيه لحد ما الدكتور ده يجى انا مش فاهم واحد بسنه ده بروح يشرفله تربه يدفن فيها مش يفتحلى عياده ، سلام انا في العربيه تحت
..........آدم فى العربيه
جه شخص خبط على الازاز ، آدم فتح الازاز
آدم لقي شاب عيونه زرق شعره ايمر عنده يجى 28 سنه وسيم جدا
آدم : نعم
الشخص: لو سمحت المكان اللى انتا راكن فيه عربيتك ده انا بركن فيه عربيتى
آدم : معلش اسف، بس انا مستنى دكتور هشام
الشخص: كشف ولا ايه
آدم : لا لا مش انا ده كشف لمراتى
الشخص: طب يا راجل الدكتور جي ورايا اهو تعالي لما نطلع
آدم : كويس انا مستنيه بقالى كتير
آدم طلع مع الشخص واول ما دخلوا كل اللي فى العياده قاموا ، آدم راح وقف جمب تقى
آدم : فيه ايه
تقى: ما هو ده الدكتور هشام
آدم : نعم ياختى
دكتور هشام للمرض :لو سمحت دخلى اول اسم في الكشف
الممرض: اول اسم فى الكشف المدام تقى
تقى: ايووه انا
وبتدخل ادم مسك ايديها
آدم : ايوه ايه انتى هتدخلى مع ده لوحدكوا لا طبعا مش هتدخلى.
تقى:فيه ايه يا آدم ده الدكتور بتاعى وبعدين انتا اللي جايبنى هنا بنفسك
آدم :ايوه انا اللي جايبك بس مكنتش اعرف انه شاب صغير بحسبه راجل كبير
تقي: صغير ولا كبير هو انا هتجوزه انا جايه اتعالج
آدم : مش بعيد
تقى: سيبني اروح بقى
آدم : ماشى بس اخش معاكى
تقى: اخش معاكي ايه انتا مجنون وسع بقى
دخلت تقي ومن اول ما دخلت وادم رايح جاى مقعدتش واول ما خرجت ركبوا العربيه ع طول
تقى: آدم ده مش الطريق
آدم : انتى تخرسي خالص
تقى : هو انا عملت ايه
آدم : الزفت اللي اسمه دكتور هشام ده اول ما خرجتى قالك سلام يا تقى يقولك تقى بتاع ايه وانتي رديتي عليه وقولتيله سلام يا هشام واخدين على بعض انتوا 😡
تقى: قولتلك ده مش الطريق توهتنا كده
آدم : مفيش كشف عن الزفت ده تانى
تقى:انتا متخلف
العربيه عطلت هنا
تقى: العربيه عطلت ومنعرفش احنا فين
آدم : انا هتصرف
لا قوا بيت على الطريق سال اهلوا على ميكانيكي قالوا مش هيعرف يوصله ولو دلوقتي لاني الوقت متاخر وعرضوا عليهم انهم يباتوا معاهم وادم موافق
آدم بزهق :: ادخلى
تقى: يابني متعصبنيش
آدم : اكتمى خالص
تقي: طييييييب
تقى دخلت وقعدت مع الناس واتكلمت معاهم
تانى يوم الصبح ادم لقي رجاله البيت كلهم وقفينله آدم : فيه ايه وفين تقى
واحد من اهل البيت : رجعناها لاهلها يا عديم الضمير والاخلاق ، صحيح الرجاله ماتو‘ا فى الحرب
آدم : نعم انتوا مفكرين ايه دى مراتى والله
راجل تانى : اه ما احنا عارفين 😏
تقي رجعت الشقه وبالليل لقت آدم راجع وكف ايده مربوط بشاش ووشه باين عليه اثار ضرب
آدم : نفسي اعرف قولتيلهم ايه خلتيهم يعملوا فيا كده